| បទពិសោធរបស់ខ្ញុំនៅក្នុងវេទិកាអចិន |
|
|
|
| Post by កូនខ្មែរ | |
| Wednesday, 26 May 2010 | |
|
បទពិសោធរបស់ខ្ញុំនៅក្នុងវេទិកាអចិន្ត្រៃយ៍របស់អង្គការសហប្រជា ជាតិស្ដីពីបញ្ហាជនជាតិដើម ដោយអ្នកស្រី៖ ធី ថាច់ ខ្ញុំមានសេចក្ដីរីករាយយ៉ាងខ្លាំង ដែលបានជួបអ្នករាល់គ្នានៅក្នុងកិច្ចប្រជុំលើកទី៩ របស់អង្គការសហប្រជាជាតិ ស្ដីពីបញ្ហាជនជាតិហៅកាត់ថា(UNPFII)នៅឯបូរីញ៉ូវយ៉ក។ មុនពេលដែលអ្នករាល់គ្នាប្រាប់ខ្ញុំ ពីវេទិកាអចិន្រ្តៃយ៍របស់អង្គការសហប្រជាជាតិ ថាតើវាមានសារៈសំខាន់យ៉ាងណានោះ ហើយពេលនោះ នៅមិនទាន់មានចម្លើយ ចំណាប់អារម្មណ៍ ចំពោះបញ្ហានេះឡើយទេ។ ឆ្នាំនេះគឺជាលើកទីមួយហើយ ដែលខ្ញុំ មានឱកាសបានទៅជួបជុំយុវជនសហព័ន្ធខ្មែរក្រោម និង អ្នករាល់គ្នានៅឯវេទិកានេះ។ ការឋិតនៅក្នុងទីនោះគឺចំកណ្ដាលនៃប្រវត្តិសាស្រ្តរបស់យើង ដែលរស់ឡើងវិញ ហើយធ្វើឲ្យបេះដូងរបស់ខ្ញុំមានសេចក្ដីរំភើបយ៉ាងខ្លាំង។ វាគឺជាបទពិសោធដ៏ភ្ញាក់ផ្អើលមួយសម្រាប់រូបខ្ញុំ ដែលបានធ្វើជាអ្នកតំណាងឲ្យខ្មែរក្រោម ក្នុងចំណោម ១៩៣ ប្រទេសមកពីជុំវិញពិភពលោកដែលបានចូលរួមក្នុងវេទិកានោះ។
ខ្ញុំពិតជាមានជំនឿយ៉ាងមុតមាំថា យុវជនសហព័ន្ធខ្មែរកម្ពុជក្រោមនឹងនៅតែបន្តជួយដល់ប្រជាជននិងប្រទេសជាតិរបស់យើងបន្តទៅមុខទៀត។ យើងមានកេដំណេលប្រវត្តិសាស្រ្ត និងវប្បធម៌ដ៏ខ្លាំងក្លាននិងជាក់ស្ដែងរបស់ពួកយើង។ យើងមានមធ្យោបាយ ប្រាកដនិយម និងមានគោលបំណងចង់ស្ដារឡើងវិញនូវ អធិបតេយ្យភាព និងសេរីភាពរបស់ពួកយើងនាពេលខាងមុខដ៏ឆាប់ៗនេះ។ ខ្ញុំបានប្រឈមនូវឧបសគ្គ និងសេចក្ដីលំបាកវេទនារាប់មិនអស់ក្នុងជីវិតខ្ញុំដើម្បីបុព្វហេតុជាតិ និងប្រជាជនរបស់ពួកយើង។ ខ្ញុំមានសេចក្ដីអបអរសាទរយ៉ាងខ្លាំងចំពោះការគាំទ្ររបស់អ្នករាល់គ្នាមកលើសកម្មភាពនេះ។ យើងមិនអាចរស់នៅតែម្នាក់ឯង ដោយគ្មានគាំទ្របានទេនៅក្នុងលោកនេះ ដូច្នេះហើយតាមរយៈព្រឹត្តិការណ៍នេះ យើងមានការគាំទ្រ និងការជូនសព្ទសាថុការពរពីសំណាក់បងប្អូនរួមឈាមរបស់យើង ដែលបានជួបពីមុនមកដ៏ច្រើនសន្ធឹកសន្ធប់ ។ ការជួបជុំនេះ វាមិនមែនជារឿងចៃដន្យនោះទេប៉ុន្តែវាជារឿងពិតនិងមានសារសំខាន់ខ្លាំងណាស់។ ខ្ញុំពិតជាមានការអបអរសាទរយ៉ាងខ្លាំង ប្រសិនបើយើងទាំងអស់គ្នាអាចធ្វើការ ទំនាក់ទំនងទៅកាន់ក្រុមគ្រួសារ មិត្តភ័ក្រ្ត បងប្អូនរបស់យើង ដើម្បីឲ្យជួយគាំទ្រដល់ សកម្មភាពសហព័ន្ធខ្មែរកម្ពុជាក្រោមនោះ ហើយធ្វើដូច្នេះ យើងអាចបន្តធ្វើការងាររួមគ្នា ដើម្បីការពារនូវប្រជាជននិងប្រទេសជាតិរបស់ពួកយើងបន្តទៅទៀត៕ |
|
| Last Updated ( Sunday, 20 June 2010 ) |
| < Prev | Next > |
|---|
