សេចក្ដីសង្ខេបនៃសន្និសីទយុវជនពិភពលោកលើកទី៤

ដោយលោក៖ Jeffery Kim

      សន្និសីទយុវជនខ្មែរក្រោមពិភពលោកលើកទី៤ ត្រូវបានគេប្រារព្ធឡើង​កាលពីថ្ងៃទី២៤ ខែ​មេសា ឆ្នាំ ២០១០ នៅឯវត្តខ្មែរសូរីយារង្សី រដ្ឋ Philadelphia នៃសហរដ្ឋអាមេរិក។ វាគឺ​ជាព្រឹត្តិការណ៍មួយត្រូវបានគេរំពឹងទុកជាមុនថា ដែលមាន មនុស្សចូលរួមយ៉ាងច្រើនកុះករ និង​ប្រកបទៅដោយភាពសប្បាយរី​ករាយយ៉ាងខ្លាំង ក្នុងចំណោម​យុវជនខ្មែរក្រោម​ទាំងអស់​ដែលមកពីជុំវិញពិភពលោក។

លោក ទឹម សាខន លោក គឹម មឿន និងលោក យ័ញ តូន

លោក​ ស្រី Maggie Murphy តំណាងឲ្យអង្គការ ​ U N P O

ជាអធិបតី​ក្នុង​ការ​បើកសន្និសីទនេះឡើង។ ក្រុមយុវជន ដែលនៅក្នុងតំបន់ និង​តាមតំបន់ ជាច្រើនផ្សេងៗ​ទៀត​បានឡើងរាយការណ៍ ពីសកម្មភាព​នៅតាមតំបន់របស់ពួកគេ ដើម្បីចែកជូន​ទៅដល់​អង្គ​នៃសន្និសីទទាំងមូលឲ្យបានជ្រាប។ គោលបំណងនៃសកម្មភាពឡើង រាយការណ៍នេះគឺ ដើម្បីចែករំលែកនូវ គំនិតយោបល់ និងបញ្ញាស្មារតីទៅវិញទៅមក​ក្នុងចំណោមសមាជិក និង​ក្រុមអ្នក​ដែល​បាន​ចូលរួម ទាំងអស់។ គំនិតល្អៗជាច្រើនបានលើក​ឡើងតាមក្រុមនី​មួយៗ​ហើយ​ដែល នឹងយកទៅ អនុវត្តនៅកន្លែងផ្សេងទៀតដែលនូវខ្វះចន្លោះ។ ការពិភាក្សាបែបនេះ​ធ្វើឲ្យយុវជនខ្មែរ ក្រោមយើងអង់អាចក្លាហាន នឹងផ្ដល់ឱ​កាសឲ្យយើងលើកឡើងនូវ​អត្តស​ញ្ញា​ណរបស់ ខ្មែរក្រោមក៏ដូចជាការឈឺចាបរបស់ប្រជាជនខ្មែរក្រោមយើង ដែលនៅក្រោមរបប​កុម្មុយ និស្តយួនសព្វថ្ងៃនេះឲ្យគេបានដឹងឮផងដែរ។

គណៈកម្មការនាយក និងក្រុមយុវជននៃសហព័ន្ធខ្មែរកម្ពុជាក្រោម

      សកម្មជនប្រឆាំងរបស់ខ្មែរក្រោម ៣រូបដែលយួនបានចាប់ផ្សឹក និងដាក់គុកនោះគឺ លោក​ ទឹម សាខន លោក គឹម មឿន លោក យ័ញ តូន អ្នកទាំងបីបាន​រៀបរាប់​ពីការ​ទុក្ខលំបាក និង​ការឈឺចាប់រ បស់ពួកគាត់កាលដែលពួកគាត់នៅជាប់ក្នុងពន្ធនាគារ។ ពួក​គាត់​បាន​និយាយ​ពីការធ្វើទារុណកម្មឥតឈប់ឈរ ដែលបានអនុវត្តដោយ​អាជ្ញាធរ វៀត​​ណាម​ ដ៏អមនុស្សធម៌ជាទីបំផុតមកលើពួកគាត់។ ពួកគាត់បានរៀបរាប់ពីរបៀប ដែលពួកគាត់ត្រូវ​បានគេ​បង្ខំ​​ឲ្យ​សារភាព និងចុះហត្ថលេខាលើឯកសារផ្សេងៗទៀត​ ដោយអាជ្ញាធរ​វៀតណាម ​ប្រឌិតឡើង ដើម្បីបន្តធ្វើការចាប់ខ្លួនមកលើប្រជាជន ខ្មែរក្រោមដែលគ្មានទោសជាច្រើននាក់ទៀត។ សកម្មជន​ប្រ​ឆាំងរបស់ខ្មែរ​ក្រោមទាំង ៣រូបបានត្អូញត្អែពីស្ថានភាព សុខមាលភាព​របស់​គាត់ច្រើន តែងមានការប្រែប្រួល បន្ទាប់ពីទទួលរងការវាយដំផ្ទួនៗ និងរងការចាក់​ថ្នាំជា​ច្រើន​លើកក្នុងគោល​បំណងចង់ ឲ្យស្លាប់​នៅពេលដែលចោទសួរពួកគាត់។ ការចាក់ថ្នាំនេះជាធម្មតា​ត្រូវ​បានអនុវត្ត ដោយអាជ្ញាធរវៀតណាម ដើម្បីបំផ្លាញដល់ខួរក្បាល​ជនរងគ្រោះ និងដើម្បី​បង្ខំ​ខ្មែរ​ក្រោមណាដែលប្រឆាំង នឹងយួនឲ្យ​សារ​ភាព។ វៀត​ណាម​ប្រើការចាក់ថ្នាំមកលើ សកម្មជនអ្នកប្រឆាំងរបស់ខ្មែរក្រោមនេះ គឺជាការរំលោភមួយយ៉ាង​ច្បាស់ក្រឡែត ចំពោះអនុសញ្ញាប្រឆាំង នឹងការធ្វើទារុណកម្មរបស់អង្គការសហប្រជាជាតិ។ ក្នុងកិច្ចពិភាក្សានេះ ត្រូវបានប្រារព្ធឡើង ដើម្បីផ្ដល់ឱកាសឲ្យយុវជនទាំងអស់លើក​ឡើងនូវសេចក្ដីកង្វល់ និងបញ្ហារបស់ពួកគេយកមកដោះស្រាយ។ យុវជនជាច្រើនបាន​បញ្ចេ​ញនូវសេចក្ដីពេញ​ចិត្ត​យ៉ាងខ្លាំងចំពោះសន្និសីទនេះ ហើយ នឹង​បានសន្យាថា នឹង​ខិត​ខំធ្វើ​ការឲ្យអស់ពីសមត្ថភាព ដើម្បីជួយដល់សហគមន៍ខ្មែរក្រោមកាន់តែខ្លាំង ឡើងៗ។​ ជាពិសេស​ការតស៊ូរបស់​សហព័ន្ធ​ខ្មែរកម្ពុជាក្រោម ដើម្បីសិទ្ធិមនុស្ស ជាមូលដ្ឋាន និង​សេរីភាពជាចម្បង​សម្រាប់ខ្មែរក្រោមទាំងអស់ដែលកំពុងតែរស់នៅ ឯមាតុភូមិដ៏កំសត់របស់ខ្លួនសព្វថ្ងៃនេះ។

     លោក ថាច់ ង៉ុកថាច់ ប្រធានប្រតិបត្តិសហព័ន្ធខ្មែរកម្ពុជាក្រោមបាន​ផ្ដល់ជាគំនិត សំខាន់​ៗទៅ​កាន់យុវជនខ្មែរក្រោមទាំងអស់ឲ្យខិតខំព្យាយាមសិក្សារៀនសូត្រ និងក សាងខ្លួនឲ្យក្លាយទៅជាមេដឹកនាំនៃសហព័ន្ធខ្មែរកម្ពុជាក្រោម នៅពេលអនាគត។  លោក ថាច់ ង៉ុកថាច់ បាន​សង្កត់​ធ្ងន់ថា គាត់ចង់ឃើញមេដឹកនាំថ្មីដែលផុសចេញ ពីស្រទាប់នៃក្រុមយុវជន KKFYC ដើម្បីដឹក​នាំសហព័ន្ធខ្មែរកម្ពុជាក្រោម នាពេល ខាងមុខឆាប់ៗនេះ។ គាត់មានសេចក្ដីសង្ឃឹមថា​ នឹង​ឃើញ ”ពន្លឺសេរីភាពរបស់ ខ្មែរក្រោម” ដែលត្រូវបានអនុវត្តឆ្ពោះ​ទៅមុខដោយមេដឹកនាំជំនាន់​ថ្មីនេះ។ លោកប្រធាន ក៏បានបញ្ជាក់ពីសារសំខាន់នៃការបន្តមាគ៌ារបស់សហព័ន្ធ​ខ្មែរ​កម្ពុជា​ក្រោម ដើម្បី ឆ្ពោះទៅកាន់មាតុភូមិ ទោះបីជាស្ថិតនៅក្រោមការដឹកនាំថ្មីក៏ដោយ​គឺត្រូវតែ​បន្ត​ការតស៊ូ ដោយសន្តិវិធីប្រឆាំងទៅ នឹងរបបឃោរឃៅរបស់ទីក្រុងហាណូយជានិច្ច។

        សន្និសីទនេះ បានបញ្ចប់ប្រកបដោយភាពសប្បាយរីករាយដែលមានការស្វាធ្យាយ ជយន្តោពីព្រះសង្ឃជាច្រើនអង្គ។ នៅពេលល្ងាច មានការរៃអង្គាសប្រាក់សម្រាប់កម្មវិធី នេះ ​ត្រូវបាន​ធ្វើ​ឡើងនៅឯទីក្រុងមួយក្នុងរដ្ឋ Philadelphia ហើយយុវជនទាំងអស់ ត្រូវបាន​អញ្ជើញចូល​រួម​សប្បាយដោយឥតបង់ថ្លៃឡើយ៕