KKFYC.ORG - សកម្មភាពរបស់ក្រុមយុវជន

សកម្មភាពរបស់ក្រុមយុវជន

Post by កូនខ្មែរ
Saturday, 01 May 2010
សកម្មភាពរបស់ក្រុមយុវជនខ្មែរកម្ពុជាក្រោមក្នុងការចូលរួមវេទិការ អចិន្រ្តៃយ៍ជនជាតិដើម វេទិការអចិន្រ្តៃយ៍ជនជាតិដើមលើកទី ៩ ដែលរៀបចំដោយអង្គការសហប្រជាជាតិ នៅឯបុរីញ៉ីវយ៉ក់ សហរដ្ឋអាមេរិកកាលពីថ្ងៃទី ២៧ មេសា ២០១០ កន្លងមកនេះ បានបន្តការងាររបស់ខ្លួន ដោយមានការចូលរួមពីក្រុមយុវជនយុវនារីខ្មែរក្រោម មួយចំនួន។ ក្រុមយុវជន យុវនារីខ្មែរក្រោម ដែលបានចូលរួម នៅកក្នុងកិច្ចប្រជុំវេទិការអចិន្រ្តៃយ៍ជនជាតិដើមលើកទី ៩ សម្រាប់កិច្ចប្រជុំរបស់អង្គការសហប្រជាជាតិក្នុងវេទិការ អចិន្រ្តៃយ៍ស្តីពីជនជាតិដើម អង្គការសហព័ន្ធខ្មែរកម្ពុជាក្រោម ក៏បានបញ្ជូនក្រុមយុវជនទៅធ្វើកិច្ច ប្រជុំផងដែរ។ ហើយបានបែងចែកជាពីរក្រុម គឺក្រុមទី ១ មានកញ្ញា ចន្រ្ទា លោក រិកី ចូលរួមនៅកក្នុងកិច្ចប្រជុំមួយដែលគេហៅថា Global Caucus។ នៅក្នុងកិច្ចប្រជុំនេះ បានផ្តោតសំខាន់ទៅលើជនជាតិដើម ពីប្រទេសមួយចំនួនដែលមិនអនុញ្ញាតិឲ្យ ជនជាតិដើមទាំងនោះ មកចូលរួមកិច្ចប្រជុំ នៅក្នុងវេទិការឆ្នាំនេះ។ ចំពោះក្រុមទី ២ មានកញ្ញា សោ ភា លោក ប៉ន កញ្ញា ចាន់ នី ពួកគេក៏បានចូលរួមក្នុងកិច្ចប្រជុំមួយ ទៀតដែលហៅថា Youth Caucus ដោយផ្តោតសំខាន់ទៅលើសកម្មភាពរបស់យុវជន នៅក្នុងពិភពលោក ហើយក៏ផ្តោតជាចម្បងនៃក្រុមនេះផ្ទាល់គឺរកសមាជិក នៅតំបន់ អាហ្វ្រិក ដើម្បីអភិវឌ្ឍន៍យុវជននៅទីនោះ ឲ្យកាន់តែមានសមត្ថភាពថែមមួយកំរិត ទៀត។ គួរបញ្ជាក់ផងដែរថា កិច្ចប្រជុំអចិន្រ្តៃយ៍ក្នុងវេទិការអង្គការសហប្រជាជាតិមិន ទាន់បញ្ចប់នៅឡើយទេ គឺចាប់ផ្តើមពីថ្ងៃទី ១៩ ដល់ថ្ងៃទី ៣០ មេសា ឆ្នាំ ២០១០ នៅបុរីញ៉ីវយ៉ក់៕ ប្រភព WKR
Last Updated ( Wednesday, 16 June 2010 )

< Prev		Next >

[ Back ]