អ្នកនាំពាក្យរបស់ស្ថានទូតវៀតណាមប្រចាំកម្ពុជា បច្ចុប្បន្នបានប្រកាសយ៉ាងក្តែង ៗ ថាព្រះតេជគុណ ទឹម សាខន គឺជាពលរដ្ឋវៀតណាម ដូច្នេះគេត្រូវកាត់ទោសព្រះអង្គក្នុងប្រទេស វៀតណាម។ តាមការពិត, ព្រះតេជគុណ ទឹម សាខន បានចាកចេញពីស្រុកកំណើតកម្ពុជាក្រោម បច្ចុប្បន្នហៅថាវៀតណាមខាងត្បូងទៅរស់នៅក្នុងប្រទេសកម្ពុជាជាមួយគ្រួសារ របស់ព្រះអង្គ កាលពីឆ្នាំ ១៩៧៩ម្ល៉េះ ។ បច្ចុប្បន្ន ព្រះអង្គពុំមានសាច់ញាតិកំពុងរស់នៅក្នុងប្រទេសវៀតណាមនោះទេ ។ ព្រះអង្គបានបំពេញឧបសម្បទាក្នុងឆ្នាំ ១៩៩១ ហើយត្រូវបានគេតែងតាំងជាព្រះចៅអធិការវត្តភ្នំដិន ខាងជើង​ក្នុងឆ្នាំ ២០០០។ ប្រសិនបើព្រះតេជគុណ ទឹម សាខន មិនមែនជាប្រជាពលរដ្ឋកម្ពុជា ព្រះអង្គនឹងមិនត្រូវបានគេផ្តល់ឆាយា និងទទួលស្គាល់ជាព្រះសង្ឃកម្ពុជា ហើយតែងតាំងជា ព្រះចៅអធិការវត្តភ្នំដិនខាងជើងនោះដែរ។ ប្រសិនវៀតណាមចាត់ទុក ព្រះតេជគុណ ទឹម សាខន ជាពលរដ្ឋរបស់ខ្លួន អ្នកដែលទៅរស់នៅក្នុងប្រទេសកម្ពុជាតាំងពីជំនាន់ឆ្នាំ ១៩៧៩នោះ តើមាន ព្រឹត្តិការណ៍អ្វីខ្លះកើតមានឡើងចំពោះប្រជាពលរដ្ឋវៀតណាមរាប់លាននាក់ ដែលកំពុងរស់ដោយ ខុសច្បាប់ក្នុងប្រទេស កម្ពុជាបច្ចុប្បន្ននេះ។ ពួកគេនៅតែប្រកាន់ភ្ជាប់ជាពលរដ្ឋវៀតណាម ឬ? បើពួកគេគឺជាពលរដ្ឋវៀតណាម គួរណាស់ ពួកគេត្រឡប់ទៅប្រទេសវៀតណាមផងដែរ ? ចុះចំណែកឯជនជាតិវៀតណាមបានមកតាំងទីលំនៅ និងកំពុងរស់នៅក្នុងសហរដ្ឋអាមេរិក និងប្រទេសនានានោះយ៉ាងណាដែរ? តើរដ្ឋាភិបាលវៀតណាម នៅតែមានសិទ្ធិ ដើម្បីចាប់ខ្លួនអ្នកទាំង នោះ ឬមានសិទ្ធិត្រឹមតែចាប់ខ្លួនពលរដ្ឋវៀតណាម ដែលកំពុងរស់នៅក្នុងប្រទេសកម្ពុជានោះទេ ?             រដ្ឋាភិបាលកុម្មុយនិស្តវៀតណាម បានចោទប្រកាន់ព្រះតេជគុណ ទឹម សាខន ក៏ដូចជាសមាជិករបស់សហព័ន្ធ ខ្មែរកម្ពុជាក្រោមពិភពលោក ថាព្យាយាមឃោសនា សកម្មភាពប្រឆាំង នឹងវៀតណាម ។ រដ្ឋាភិបាលកុម្មុយនិស្តវៀតណាមដឹងថា សហព័ន្ធខ្មែរកម្ពុជាក្រោម គឺជាអង្គការតំណាងឲ្យជនជាតិដើមខ្មែរកម្ពុជាក្រោម ហើយហេតុអ្វីបានជាសហព័ន្ធខ្មែរកម្ពុជាក្រោម អាចចូលរួមប្រជុំក្នុងវេទិកាអចិន្រ្តៃយ៍អង្គការសហប្រជាជាតិស្តីពីបញ្ហាជនជាតិដើម។ ​នៅក្នុងបូរីញូវយ៉ករាល់ឆ្នាំ ខណៈដែល វៀតណាមតែងបញ្ជូនគណៈប្រតិ-ភូរបស់ខ្លួនចូលរួម អង្គវេទិការនេះផងដែរនោះ។ ប្រសិនសហព័ន្ធខ្មែរកម្ពុជាក្រោម គឺជាអង្គ ការមួយចង់បំផ្លាញ រដ្ឋាភិបាលវៀតណាម ឬអង្គការណាមួយដែលថាកំពុងព្យាយាម “បំផ្លិចបំផ្លាញនយោបាយ សាមគ្គីភាព” រវាងវៀតណាម និងខ្មែរក្រោម ដូចដែលវៀតណាមចោទប្រកាន់នោះ សហព័ន្ធខ្មែរកម្ពុជាក្រោមនឹងមិនត្រូវបានអនុញ្ញាត ឲ្យចូលរួមប្រជុំក្នុងវេទិកាអចិន្រ្តៃយ៍អង្គការ សហប្រជាជាតិស្តីពីបញ្ហជនជាតិដើមនោះឡើយ។ សហព័ន្ធខ្មែរកម្ពុជាក្រោម តែងផ្តល់អនុសាសន៍ជា វិជ្ជមានដល់រដ្ឋាភិបាលកុម្មុយនិស្តវៀតណាម ដើម្បីគោរពសិទ្ធិជនជាតិដើមនៅក្នុងប្រទេសវៀតណាម ។ សហព័ន្ធខ្មែរកម្ពុជាក្រោមតែងបើកសន្ទនានឹងរដ្ឋាភិបាលកុម្មុយនិស្តវៀតណាម ក្នុងវេទិកាអចិន្រ្តៃយ៍ អង្គការសហប្រជាជាតិស្តីពី បញ្ហាជនជាតិដើម ប៉ុន្តែរដ្ឋាភិបាលកុម្មុយនិស្តវៀតណាម តែងបាន បដិសេធ ហើយបង្ហាញនូវចរិតរឹងរុស ថែមទាំងចោទប្រកាន់ សហព័ន្ធខ្មែរកម្ពុជាក្រោមជាក្រុម បំបែករដ្ឋ ។ ជនជាតិដើម និងអង្គការនានាជាច្រើនដែលបានចូលរួមក្នុងវេទិកាប្រជុំនោះ ត្រូវបានរដ្ឋាភិបាលកុម្មុយនិស្តវៀតណាមឆារឆៅ និងតែងសម្តែងនូវអាកប្បកិរិយាដ៏គួរឲ្យខ្មាស់អៀន មករកពលរដ្ឋខ្មែរក្រោម ។            វៀតណាម ចោទប្រកាន់ព្រះតេជគុណ ទឹម សាខន ថាបានបញ្ជូនឌីវីឌី (DVD) និងឯកសារសកម្មភាពរបស់ សហព័ន្ធខ្មែរកម្ពុជាក្រោម ចូលប្រទេស វៀតណាម ដើម្បីប្រឆាំងនឹងរដ្ឋាភិបាលកុម្មុយនិស្តវៀតណាម។ ជាការពិតណាស់ ឌីវីឌី (DVD) របស់សហព័ន្ធខ្មែរកម្ពុជាក្រោម គឺគ្រាន់តែជាឌីវីឌី (DVD) លំអិតអំពីសកម្មភាពរបស់សហព័ន្ធខ្មែរ កម្ពុជាក្រោម នៅក្នុងវេទិការអចិន្រ្តៃយ៍អង្គការសហប្រជាជាតិ ស្តីពីបញ្ហាជនជាតិដើមតែប៉ុណ្ណោះ ដែលក្នុងនោះក៏មានគណៈប្រតិភូនៃ ប្រទេសវៀតណាមចូលរួមផងដែរ ។ ប្រសិនបើវៀតណាម បានចូលរួមប្រជុំក្នុងវេទិកានោះជារៀងរាល់ឆ្នាំ ហេតុដូចម្តេចវៀតណាមខ្លាច ឌីវីឌីនោះ ត្រូវបាន ផ្សព្វផ្សាយនៅកម្ពុជាក្រោម ដើម្បីឲ្យខ្មែរក្រោមបានឃើញរាល់សកម្មភាពទាំងនោះ។ ដូច្នេះ គេអាចដឹងអំពីសកម្មភាពរបស់សមាជិកសហព័ន្ធខ្មែរកម្ពុជាក្រោម ដែលតំណាងឲ្យប្រជាជាតិ ខ្មែរក្រោមគ្មានសំឡេងរាប់លាននាក់នៅលើទឹកដីកម្ពុជាក្រោម ក្នុងវេទិកាអចិន្រ្តៃយ៍អង្គការសហប្រ ជាជាតិស្តីពីបញ្ហាជនជាតិដើម?             វៀតណាម គឺជាសមាជិករបស់អង្គការសហប្រជាជាតិ ។ រាល់ឯកសារដែលសមាជិកសហព័ន្ធខ្មែរកម្ពុជាក្រោម បានពាំនាំទៅកម្ពុជាក្រោម គឺសុទ្ធសឹងជា ឯកសារស្តីអំពីបញ្ហាសិទ្ធិមនុស្ស ជាក់ស្តែងដូចជាសេចក្តីប្រកាសជាសកល ស្តីអំពី សិទ្ធិមនុស្សជាតិ ។ បើរដ្ឋាភិបាលកុម្មុយនិស្តវៀតណាម គោរពសិទ្ធិពលរដ្ឋខ្មែរកម្ពុជាក្រោម ហេតុដូចម្តេចវៀតណាមខ្លាច សេចក្តីប្រកាសជាសកល ស្តីអំពីសិទ្ធិមនុស្សជាតិទាំងនោះ ខណៈដែលឯកសារទាំងនោះចង្អុល បង្ហាញមនុស្សម្នាលលើពិភព លោកឲ្យសម្រេចបាននូវគោលបំណងរបស់ខ្លួន ?             ទាំងនោះមិនមែនជាបញ្ហានោះទេ អ្វីដែលជាកលយុទ្ធ នោះគឺរដ្ឋាភិបាលកុម្មុយនិស្តវៀតណាម ធ្លាប់បានចោទប្រកាន់ ព្រះតេជគុណ ទឹម សាខន ហើយក៏គ្មាននរណាម្នាក់លើលោកនេះជឿពាក្យសម្តី របស់វៀតណាមដែរ ។ ករណីរបស់ ព្រះតេជគុណ ទឹម សាខន ល្អមើលប្រហាក់ប្រហែលនឹងល្បែង “ចាប់ចម្រិត” របស់ករណីព្រះតេជគុណ ធិត ទ្រីលុក អីចឹង ។ ប៉ុន្តែជាអកុសល ចំពោះករណី របស់ព្រះតេជគុណ ទឹម សាខន ពិតជាធ្វើឲ្យប្រជាជនកម្ពុជាមានអារម្មណ៍ខ្មាស់អៀនជំនួស រដ្ឋាភិបាលរបស់ខ្លួនយ៉ាងខ្លាំង ។ ពីព្រោះអាជ្ញាធរមានសមត្ថកិច្ចកម្ពុជា ពិតជាបានជួយវៀតណាម ដោយខុសច្បាប់ដែលចាប់ បញ្ជូនព្រះតេជគុណ ទឹម សាខន ទៅព្រំដែនកម្ពុជា-វៀតណាម ដូច្នេះវៀតណាមមិនចាំបាច់ចូលទៅក្នុងប្រទេសកម្ពុជាចាប់ ចម្រិតព្រះតេជគុណ ទឹម សាខន ដូចដែលពួកគេបានទៅចាប់ខ្លួនព្រះតេជគុណ ធិត ទ្រីលុក នោះឡើយ ។            រដ្ឋាភិបាលកុម្មុយនិស្ត

វៀតណាម ពិតជារឹងរុសក្នុងការចោទប្រកាន់ព្រះតេជគុណ ធិត ទ្រីលុក ប្រព្រឹត្តិបទឧក្រិដ្ឋដោយ អយុត្តិធមិ នូវអ្វីដែលព្រះអង្គមិនបានប្រព្រឹត្តិ។ ប៉ុន្តែទោះជាយ៉ាងណាក្តី រដ្ឋាភិបាលវៀតណាម មិនបានសម្រេច ដូចបំណងនោះទេ ដោយមានការដាក់គំនាបពីអង្គការសិទ្ធិមនុស្ស និងប្រទេស ដែលគោរពសិទ្ធិមនុស្ស។ ពួកគេបានដោះលែងព្រះអង្គ ហើយបច្ចុប្បន្ន ព្រះអង្គកំពុងតាំងទីលំនៅ ដោយស្របច្បាប់នៅក្នុងប្រទេសហូលឡុងដ៍ ។ ជាអកុសល វៀតណាម កំពុងប្រើល្បិច ដូចនេះបេះបិទចោទប្រកាន់ទៅលើព្រះតេជគុណ ទឹម សាខន ប្រព្រឹត្តិបទឧក្រិដ្ឋដូចគ្នាបែបនេះ ម្តងទៀត។            ប្រសិនបើវៀតណាម ចង់មានសុខសន្តិភាពនៅក្នុងប្រទេសរបស់ខ្លួន រដ្ឋាភិបាល វៀតណាមត្រូវតែគោរពសិទ្ធិពល រដ្ឋនៅក្នុងប្រទេសវៀតណាម រួមបញ្ចូលទាំងសិទ្ធិជនជាតិដើម ផងដែរ។ ប្រសិនបើរដ្ឋាភិបាលកុម្មុយនិស្តវៀតណាម បានដោះ លែងព្រះតេជគុណ ធិត ទ្រីលុក ដូចកាលពីកន្លងទៅហើយនោះ ។ រដ្ឋាភិបាលកុម្មុយនិស្តវៀតណាម ពុំមានសិទ្ធិឃុំខ្លួនព្រះតេ-ជគុណ ទឹម សាខន ដែលជាព្រះភិក្ខុសង្ឃកម្ពុជា និងជាពលរដ្ឋកម្ពុជានោះឡើយ ៕

ប្រធានយុវជនសហព័ន្ធខ្មែរកម្ពុជាក្រោមពិភពលោក

ចៅ សេរី