KHMER  
Monday, 20 February 2017
Main Menu
ទំព័រដើម
គោលការណ៍
ព័ត៌មាន/ព្រឹតិ្តការណ៍ថ្មីៗ
សំនួរ និងចម្លើយ
បណ្តាញនានា
ទំនាក់ទំនង
រូបភាព
ស្វែងរក
ផែនទីកម្ពុជាក្រោម
Map of Kampuchea Krom
MAKE A DONATION
KKFYC needs your support to maintain our activities. Please support us by making Check or Money Order payable to:
KKFYC
P.O.BOX 0193
PENNSAUKEN, NJ 08110

Contact us by phone at (856) 655-3838/ Fax: (856) 583-1503.

Or donation now! To make a secure donation please click on the button below:










ខ្ញុំទទួលបានបទពិសោធន៍ពីការចូលរួមសន្និសីទនៅ Philadelphia, New York និងវេទិកា UNPFII ក្នុងឆ្នាំ២០១០

ដោយលោក៖ ទ្រីវ ដាវ៉ិដ

      ខ្ញុំមានឱកាស បានទៅចូលរួមក្នុងវេទិកាអចិន្រ្តៃនៃអង្គការសហប្រជាជាតិ ស្ដីពីបញ្ហាជនជាតិដើម និងសន្និសីទយុវជនដែលបានផ្ដល់នូវអត្ថប្រយោជន៍ដ៏សំខាន់ សម្រាប់ប្រជាជនខ្មែរក្រោមរបស់យើង។ រាល់កិច្ចការ ដែលខ្ញុំចង់ធ្វើមុនគេគឺធ្វើយ៉ាងណាឲ្យ​ឪពុកម្ដាយ​របស់ខ្ញុំ​មាន​សេ​ច​ក្ដីត្រេកអរចំពោះសកម្មភាពរបស់ខ្ញុំ ដែល​បានចូលរួម នឹង​អង្គការ សហព័ន្ធ​ខ្មែរ​កម្ពុជា​ក្រោ​ម​។ នៅពេលដែលខ្ញុំបានធ្វើដំណើរទៅកាន់ទីក្រុងញ៉ូវយ៉ក រដ្ឋ ហ្វីឡា​ដិលហ្វៀ ​និង​បានចូល​រួមក្នុង​វេទិកា ​អចិ​ន្រ្តៃរបស់អង្គការសហប្រជាជាតិ​ស្ដីអំពីបញ្ហាជន​ដើមហើយ​នឹង​សន្និសីទរបស់​យុវជនខ្មែរក្រោមនោះមក។ ទោះបីជាយ៉ាងណាក៏ដោយ ការធ្វើដំណើរ​នេះបាន​បង្ហាញ​ឲ្យ​ឃើ​ញ​ថា វាពិតជាមានសារសំខាន់ជាងអ្វី ដែលខ្ញុំបានរំពឹងទុកពីមុនមកទៀត។ ហើយមិន​ត្រឹម​តែ​ប៉ុណ្ណោះសកម្មភាពនេះបានធ្វើឲ្យ​ខ្ញុំ​មាន​ការភ្លឺស្វាង និងយល់​ដឹងបានកាន់​តែច្បាស់​អំពីបញ្ហា​របស់ប្រជាជនខ្មែរក្រោមយើង។ ខ្ញុំចាប់​ផ្ដើម​យល់​ពីសារសំខាន់នៃការចូលរួមជាមួយ kkfyc ហើយ​ឥឡូវ​នេះ ​វាពិត​ជាមាន​សារសំខាន់​ណាស់សម្រាប់រូបខ្ញុំ។

Read more...
 

បទពិសោធរបស់ខ្ញុំនៅក្នុងវេទិកាអចិន្ត្រៃយ៍របស់អង្គការសហប្រជា ជាតិស្ដីពីបញ្ហាជនជាតិដើម

  ដោយអ្នកស្រី៖ ធី ថាច់

      ខ្ញុំមានសេចក្ដីរីករាយយ៉ាងខ្លាំង ដែលបានជួបអ្នករាល់គ្នានៅក្នុងកិច្ចប្រជុំលើកទី៩ របស់អង្គការសហប្រជាជាតិ ស្ដីពីបញ្ហាជនជាតិហៅកាត់ថា(UNPFII)នៅឯបូរីញ៉ូវយ៉ក។

    មុនពេលដែលអ្នករាល់គ្នាប្រាប់ខ្ញុំ ពីវេទិកាអចិន្រ្តៃយ៍របស់អង្គការសហប្រជាជាតិ​ ថាតើ​វាមានសារៈសំខាន់យ៉ាងណានោះ ហើយពេលនោះ នៅមិនទាន់​មានចម្លើយ ចំណាប់អារម្មណ៍ ​ចំពោះបញ្ហានេះ​ឡើយទេ។ ឆ្នាំនេះគឺជាលើកទីមួយហើយ ដែលខ្ញុំ មានឱកាសបាន​ទៅជួប​ជុំ​យុវជនសហព័ន្ធខ្មែរក្រោម និង អ្នករាល់គ្នានៅឯវេទិកានេះ។ ការឋិតនៅក្នុងទីនោះ​គឺ​ចំ​កណ្ដាល​នៃប្រវត្តិសាស្រ្តរបស់យើង ដែលរស់​ឡើង​វិញ ហើយធ្វើឲ្យបេះ​ដូងរបស់ខ្ញុំមានសេចក្ដី​រំភើបយ៉ាងខ្លាំង។ វាគឺជាបទពិសោធដ៏ភ្ញាក់ផ្អើល​មួយសម្រាប់រូបខ្ញុំ ដែលបានធ្វើជាអ្នកតំណាង​ឲ្យខ្មែរក្រោម ក្នុងចំណោម ១៩៣ ប្រទេសមកពីជុំវិញ​ពិភពលោកដែលបានចូល​រួមក្នុងវេទិកា​នោះ។

Read more...
 
គោលបំណងនៃការពង្រឹងកម្លាំងចិត្តដល់យុវជនរបស់យើង
ដោយកញ្ញា៖ ថាច់ម៉ាលីនា

       ឆ្នាំនេះ ខ្ញុំមានកិត្តិយសយ៉ាងខ្លាំងដែលបានចូលរួម នៅក្នុងវេទិការអចិន្ត្រៃយ៍របស់ អង្គការសហប្រជាជាតិស្ដីអំពីបញ្ហាជនជាតិដើម នៅឯទីស្នាក់ការនៃអង្គការសហប្រជា ជាតិ​នា​បូរី​ញ៉ូវយ៉ក។ ក្នុងកំឡុងពេលនៃកិច្ចប្រជុំរបស់អង្គការសហប្រជាជាតិនោះ ខ្ញុំមាន​ឱកាស​បាន​​​សិក្សាស្វែងយល់ពីបញ្ហាជនជាតិដើមដទៃផ្សេងៗទៀត ក្នុងចំណោម ប្រទេសដែលចូលរួមជាច្រើន។ ការចូលរួមនៅឯសន្និសីទយុវជនខ្មែរកម្ពុជាក្រោមក្នុងរដ្ឋ Philadelphia នេះគឺ​ជា​លើក​ទីមួយហើយ ដែលបានធ្វើឲ្យខ្ញុំមានការយល់ដឹង ក្នុងនាមជាយុវជនខ្មែរកម្ពុជា​ក្រោម​មួយ​រូប​នូវហេតុ​ផល​​​​​​ជាច្រើន។ ក្នុងការចាប់ផ្ដើម នៃកិច្ចប្រជុំរបស់អង្គការសហប្រជាជាតិ និងសន្និ​សីទ​​​​​​​យុវជនខ្មែរកម្ពុជាក្រោមនា ពេលនោះ អារម្មណ៍របស់ខ្ញុំចំពោះខ្មែរក្រោមហាក់​ដូចជាមាន​ការ​ព្រងើយកន្តើយ និងពុំសូវមានការចាប់អារម្មណ៍ប៉ុន្មានទេ។ ខ្ញុំមានអារម្មណ៍​ថា ការ​គិត​នេះ​មកពី​ចំណេះ ដឹងរបស់ខ្ញុំនៅ​មាន​កំរិត និងខ្វះការវិនិច្ឆ័យដោយផ្អែកទៅលើទម្លាប់របស់ខ្ញុំ។

Read more...
 

ការយល់ឃើញរបស់ខ្ញុំអំពីវេទិកា UNPFII ក្នុងឆ្នាំ ២០១០

ដោយកញ្ញា៖ ត្រឹម ចន្រ្ទា

          កាលពីថ្ងៃទី ២៨ ខែមេសាឆ្នាំ ២០១០ ខ្ញុំត្រូវបានគេផ្ដល់​ឱកាសឲ្យ​ ដើម្បីធ្វើ​ការ​បញ្ចេញ​សម្លេង និងថ្លែងសុន្ទរកថា ក្នុងនាមប្រតិភូគណះកម្មាធិការនៃយុវជន​សហព័ន្ធ​ខ្មែរ​កម្ពុជា​ក្រោម នៅឯវេទិកាUNPFII ។ ប្រសិនបើខ្ញុំគិតអំពីអ្វី ដែលខ្ញុំគួរ​តែធ្វើ​ឲ្យមាន​ការ​ផ្លាស់ប្ដូរនៅក្នុងដំណើរនេះ ហើយអ្វីដែលនាំឲ្យខ្ញុំមកកាន់ទីនេះ និងនៅកន្លែងនេះ ។  ខ្ញុំគួរនិយាយថា វាអាចនាំឲ្យវិលត្រឡប់​ទៅរក​ការស្រាវ​ជ្រាវដោយខ្លួនខ្ញុំផ្ទាល់ តាមរយៈ​ស្រ្តីមួយរូបដែលបានណែនាំសរសេររឿងនេះឡើង។ វាជាជ្រុងមួយនៃស្វ័យជីវប្រវត្តិ អំពីបទ​ពិសោធន៍របស់ខ្ញុំដែលធំ​ឡើងដឹងក្ដីនៅក្នុងប្រទេស​ដែលទទួល​បាន​វប្បធម៌​ពីរ​ផ្សេង​ពីគ្នា​សម្រាប់រូបខ្ញុំ។ ខ្ញុំតែងតែមានអារម្មណ៍ថា ខ្ញុំបានចាប់យក​រវាងវប្បធម៌ពីរ ពិភពលោកពីរ ការញែកចេញពីគ្នារវាងការអប់រំទៅតាមប្រពៃណីរបស់ខ្ញុំ និងពិភពលោកថ្មី​មួយ​ដែល​មាន​សក្ដានុពលផ្សេងៗទៀត។

Read more...
 

ការចូលរួមលើកទីមួយរបស់ខ្ញុំនៅសន្និសីទយុវជន KKFYC ពិភពលោក

ដោយកញ្ញា៖ Melanie Ly

      កាលពីថ្ងៃទី២៤ ខែមេសា ឆ្នាំ២០១០ ខ្ញុំបានចូលរួមសន្និសីទពិភពលោកលើកទី ៤ ជា​មួយ នឹងក្រុមគ្រួសាររបស់ខ្ញុំនៅឯរដ្ឋ Philadelphia។ ដំបូងឡើយ ខ្ញុំបានឃើញមនុស្ស ទាំង​អស់​ដែលកំពុងឈរនៅទីនោះ ហើយខ្ញុំមានអារម្មណ៍រំភើបយ៉ាងខ្លាំង នៅពេលនោះ ផងដែរ។ មានមនុ​ស្សជាច្រើនពួកគាត់ទាំងអស់គ្នានោះ ហាក់ដូចជាធ្លាប់បានស្គាល់គ្នា ច្បាស់។ ភ្លាមៗនោះកិច្ចប្រជុំក៏បានចាប់ផ្ដើម ខ្ញុំបានស្ដាប់រឿងរ៉ាវរបស់អ្នករាល់គ្នា  ហើយខ្ញុំមានបំណងថាទៅទីនោះដើម្បីជួយពួកគេ។ ពួកគេទាំងអស់មានសារសំខាន់ និងមានទឹកចិត្តស្មោះត្រង់អំពីអ្វីដែលពួក​គេកំ​ពុងធ្វើ។ ខ្ញុំគិតថាថ្ងៃណាមួយខ្ញុំ នឹងក្លាយ ទៅដូចជាពួកគេអញ្ចឹងដែរ។

Read more...
 

សេចក្ដីសង្ខេបនៃសន្និសីទយុវជនពិភពលោកលើកទី៤

ដោយលោក៖ Jeffery Kim

      សន្និសីទយុវជនខ្មែរក្រោមពិភពលោកលើកទី៤ ត្រូវបានគេប្រារព្ធឡើង​កាលពីថ្ងៃទី២៤ ខែ​មេសា ឆ្នាំ ២០១០ នៅឯវត្តខ្មែរសូរីយារង្សី រដ្ឋ Philadelphia នៃសហរដ្ឋអាមេរិក។ វាគឺ​ជាព្រឹត្តិការណ៍មួយត្រូវបានគេរំពឹងទុកជាមុនថា ដែលមាន មនុស្សចូលរួមយ៉ាងច្រើនកុះករ និង​ប្រកបទៅដោយភាពសប្បាយរី​ករាយយ៉ាងខ្លាំង ក្នុងចំណោម​យុវជនខ្មែរក្រោម​ទាំងអស់​ដែលមកពីជុំវិញពិភពលោក។

Read more...
 

សេចក្តីថ្លែងការណ៍រួមនៃក្រុមយុវជនខ្មែរក្រោមដាក់សំណើទៅ

វេទិការអចិន្រ្តៃយ៍នៃកិច្ចពិភាក្សាស្តីពីបញ្ហាជនជាតិដើមលើកទី៩

      សូមរំលឹកថា ដូចឆ្នាំមុនៗដែរ ប្រតិភូនៃប្រទេសវៀតណាមទៅកាន់ទីប្រជុំនៃវេទិការ អចិន្រ្តៃយ៍ស្តីពីបញ្ហា​ជនជាតិដើមនោះបានប្រ​កាសថា​​​ ប្រទេសខ្លួនពុំមានជនជាតិដើម ម្ចាស់ទឹកដីឡើយ ហើយបានទទួលស្គាល់ត្រឹមតែថា​មានជនជាតិភាគតិចតែប៉ុណ្ណោះ។ ប៉ុន្តែ ទោះបីយ៉ាងណាក្តី ក្រុមយុវជននៃសហព័ន្ធខ្មែរកម្ពុជាក្រោម បានតវាថា ខ្មែរកម្ពុជាក្រោម គឺជាជនជាតិដើមនៃទឹកដីកម្ពុជាក្រោម​ដែលជាភាគខាងត្បូង នៃប្រទេស​វៀតណាមបច្ចុប្បន្ន​ ដែលបានសំអាងទៅ​លើសំណង់ចំណាស់​ជាច្រើន ដែលមានអាយុរហូត​ដល់ទៅជាងមួយពាន់ឆ្នាំ និងបង្ហាញនូវវប្បធម៌ជាតិខ្មែរ ដែលមានអាយុយ៉ាងច្រើន ឆ្នាំមុនការកកើតឡើង នៃជនជាតិវៀត​ណាមទៅទៀត។

Read more...
 

មន្រ្តីរដ្ឋាភិបាលវៀតណាមបដិសេធន៍ថា ខ្មែរក្រោមមិនមែនជាជន ជាតិដើម នៅលើទឹកដីកម្ពុជាក្រោម

       ដូចជាពេលមុនៗដែរ នៅឆ្នាំនេះ ប្រទេសវៀតណាមបានថ្លែងបដិសេធន៍ក្នុងកិច្ច ប្រជុំវេទិការអចិន្រ្តៃយ៍នៃកិច្ចពិភាក្សាស្តីពីបញ្ហារបស់ជនជាតិដើមលើកទី ៩ ដោយមិន ទទួលស្គាល់ការតវារបស់សហព័ន្ធខ្មែរកម្ពុជាក្រោម និងបានបដិសេធន៍ថា ខ្មែរក្រោម មិនមែនជនជាតិដើមលើទឹកដីកម្ពុជាក្រោមនោះឡើយ។

Read more...
 

សកម្មភាពរបស់ក្រុមយុវជនខ្មែរកម្ពុជាក្រោមក្នុងការចូលរួមវេទិការ

អចិន្រ្តៃយ៍ជនជាតិដើម

        វេទិការអចិន្រ្តៃយ៍ជនជាតិដើមលើកទី ៩​​​​​​​​​​​​​ ដែលរៀបចំដោយអង្គការសហប្រជាជាតិ នៅឯបុរីញ៉ីវយ៉ក់ សហរដ្ឋអាមេរិកកាលពីថ្ងៃទី ២៧ មេសា ២០១០ កន្លងមកនេះ បានបន្តការងាររបស់ខ្លួន ដោយមានការចូលរួមពីក្រុមយុវជនយុវនារីខ្មែរក្រោម មួយចំនួន។
Read more...
 

សាក្សីរស់ដែលជាអតីតអ្នកបួសចូលបង្ហាញខ្លួនក្នុងកិច្ចប្រជុំនៃវេទិការ

ជនជាតិដើមលើកទី ៩

      អតីតអ្នកបួសខ្មែរកម្ពុជាក្រោម ៣រូបដែលបានរួចផុតពីការជាប់គុក នៅប្រទេស វៀតណាម បានចូលបង្ហាញខ្លួនជាសាក្សីរស់​ នៅក្នុងកិច្ចប្រជុំនៃវេទិការជនជាតិដើម លើកទី ៩ដែលរៀបចំឡើងដោយអង្គការសហប្រជាជាតិនាបុរីញ៉ីវយ៉ក់នាថ្ងៃច័ន្ទទី ២៦ មេសា ២០១០មកនេះ។

Read more...
 

សួស្តីឆ្នាំសកល់ ២០០៩​

Image     ខ្ញុំព្រះករុណា សូមនមស្សការចំពោះព្រះថេរានុត្ថេរៈ គ្រប់អង្គជាទីសក្ការៈដ៏ខ្ពង់ខ្ពស់! ខ្ញុំបាទ សូមជំរាបសួរបងប្អូន ជនរួមឈាមជាទីស្រឡាញ់ រាប់អានយ៉ាងជ្រាលជ្រៅបំផុត! ឆ្នាំ​២០០៨​គឺបានមកដល់ទីបញ្ចប់ ហើយក៏ជាឆ្នាំមួយដ៏មមា ញឹកបំផុត ប្រកបដោយស្មារតីសាមគ្គីជាតិ។ យើងបានចាប់ ផ្តើមបំពេញការងារ បន្ទាប់ពីកិច្ចប្រជុំប្រចាំឆ្នាំនាដើមឆ្នាំ ២០០៨ ចាប់ពីប្រទេសកាណាដា​ឆ្នេរសមុទ្រខាងលិច ដល់ឆ្នេរសមុទ្រខាងកើត ពីសហរដ្ឋអាមេរិក ឆ្នេរសមុទ្រខាងកើត តំបន់ភាគ​កណ្តាល ដល់ឆ្នេរសមុទ្រខាងលិច។ ពីសគមន៏អឺរ៉ុប ដល់កម្ពុជាក្រោម ពីប្រទេសកម្ពុជា​ និងភាគខាងកើតបំផុតនៃពិភពលោក គឺប្រទេសញ៉ូស៊ីឡែន ហើយថ្មីៗនេះ សន្និសីទអន្តរជាតិ​ដ៏ល្បីល្បាញ នៅប្រទេសអូស្ត្រាលី កាលពីដើមខែធ្នូ កន្លងមកនេះ។ ឆ្លៀតក្នុងឧកាសដ៏ប្រសើនេះ គណៈកម្មការនាយកនៃសហព័ន្ធខ្មែរកម្ពុជាក្រោម សូមប្រសិទ្ធិពរវរជ័យ សិរីមង្គលវិបុលសុខគ្រប់​ប្រការ ចូរកើតមានដល់បងប្អូន ជនរួមឈាមគ្រប់ទិវារាត្រី៕

 
<< Start < Prev 1 2 Next > End >>

Results 1 - 15 of 18